विराटनगर । पुस १७ गते हुने पूर्वाञ्चल विश्वविद्यालय प्राध्यापक संघको निर्वाचनमा ६ पदका लागि १५ जनाको उम्मेदवारी परेको छ । आठ जना केन्द्रीय सदस्य भने निर्विरोध निर्वाचित भएका छन् ।
सभापतिमा नविन लामिछाने, डा. निरज कुमार मिश्र, नरेश कुमार साह र भुपेन्द्र बाह्रकोटी गरी चार जनाको उम्मेदवारी परेको छ ।
उपसभापतिमा शंकर प्रसाद दाहाल, दृष्टि वस्ती र जीवन थापा गरी तीन जना उम्मेदवार रहेका छन् । निवर्तमान उपसभापति जीवन थापाले पुनः उम्मेदवारी दिएका हुन् ।
महासचिव पदमा दुर्गा प्रसाद वास्तोला र डा. प्रसन्न दाहालबीच प्रतिस्पर्धा हुने भएको छ ।
सचिव पदमा पुकार चौधरी र दिक्षा पौडेल उम्मेदवार छन् । रमण कुमार कर्णले उम्मेदवारी फिर्ता लिएपछि सचिवमा दुई जनाबीच मात्र प्रतिस्पर्धा हुने भएको हो ।
कोषाध्यक्ष पदमा प्रमिला सिन्हा र अविनाश कुमार मण्डल उम्मेदवार छन् ।
खुला सदस्य पदमा रोहित शर्मा र भोला नाथ लुइँटेलको उम्मेदवारी परेको छ ।
निर्विरोध निर्वाचित हुने केन्द्रीय सदस्यहरूमा महिला सदस्य अस्मिता श्रेष्ठ, इञ्जिनियरिङ क्याम्पसबाट जगरनाथ साह, कृषि तथा वन विज्ञान क्याम्पसबाट मदन बहादुर थापा, विज्ञान तथा प्रविधि क्याम्पसबाट राकेश ठाकुर, मेडिकल क्याम्पसबाट सुशिल रेग्मी, शिक्षण अस्पतालबाट राकेश कुमार अधिकारी, व्यवस्थापन क्याम्पसबाट प्रदीप के.सी. तथा जनता आदर्श बहुमुखी क्याम्पसबाट मनोज कुमार मेहता रहेका छन् ।
बाँकी ६ पदका लागि पुस १७ गते निर्वाचन हुने निर्वाचन समितिले जनाएको छ ।