

विराटनगरः विराटनगर महानगर पालिको आगुवाइमा ३७ औ एच आइ भि एड्स दिवसको अवसरमा आइतबार प्रभात फेरी कार्यक्रम सम्पन्न गरिएको छ । विराटनगर महानगर परिसरबाट सुरुभएको प्रभात फेरी मेनरोड, जलजला चौक, महेन्द्रचौक हुदै बसपार्कमा पुगेर कोण सभामा परिणत भएको थियो ।
कोणसभालाइ संम्बोधन गर्दै विराटनगर महानगरपालिकाका प्रमुख नागेश कोइरालाले एचआइभि एड्स न्युनिकरण सबै सचेत हुनुपर्ने बताउदै विराटनगर महानगरले पनि एचआइभि एड्स जस्ता घातक रोगहरुको रोकथाम तथा नियन्त्राणकालागी बजेट बिनियोजन गरेर न्युनिकरणको काम गरिरहेको बताउनु भयो ।
नगर प्रमुख कोइरालाले एचआइभि संक्रमितहरु खुलेर उपचारगर्न नआएकाले पनि समस्या भइरहेको बताउदै संक्रमितहरुलाइ खुलेर उपचारमा संलग्न हुन आग्रह गर्नुभयो । उहाँले एचआइभि संक्रमितहरुले नियामीत औषधि सेवन गर्न आग्रह गर्दै संक्रमितहरुले नियामीत औषधि सेवन गन आग्रह गर्नुभयो ।
संम्बोधनकै क्रममा कोइरालाले एचआइभि एड्स विरुद्ध सचेतना फलाउने काम भइरहेको बताउदै यसमा प्रदेश , संघ र स्थानीय सरकार तदारुकताका साथ लागिपरेको बताउनु भयो ।
साथै सबै नागरिकलाइ एचआइभि एड्सको सम्बन्धमा सचेत रहन आग्रह गर्नुभयो । कार्यक्रममा विराटनगर महानगर पालिकाका निमित्त कार्यकारी प्रमुख ,स्वास्थ्य मन्त्रालयका प्रतिनिधि लगायत आदर्जन संघसंस्थाका प्रतिनिधिहरुको सहभागिता थियो ।