१५ भाद्र २०८२, आइतबार

सेन्चुरी प्लाईको नयाँ उत्पादन ‘गर्जन प्लाई’ बजारमा

Logo
news बिहिबार, साउन १६, २०८२

विराटनगर । सुनसरी–मोरङ्ग औद्योगिक कोरिडोरमा सञ्चालनमा रहेका उद्योग घाटामा सञ्चालन गर्नुपर्ने अवस्था भएको भन्दै अनुनय–विनय गर्ने उद्योगीहरूलाई चुनौती दिँदै उद्योगी विकास अग्रवालले आफ्नो उद्योगबाट थप नयाँ उत्पादन बजारमा पठाएका छन् ।

औद्योगिक कोरिडोरमा सञ्चालन भइरहेको सेन्चुरी प्लाई उद्योग (सुनसरी)ले अब थप नयाँ उत्पादन ‘गर्जन’ ब्रान्डको प्लाई बजारमा पठाएको छ । उक्त उद्योग सुनसरी जिल्लाको बर्जु गाउँपालिका वडा नं. १ मा ‘सेन्चुरी प्लाई’का नाममा लामो समयदेखि सञ्चालनमा रहेको छ । उद्योग सञ्चालन भएको पाँच वर्षभित्रमा उद्योगले अन्तर्राष्ट्रिय मापदण्डमा आधारित रहेर थप दुई नयाँ उत्पादन बजारमा ल्याउन सफल भएको सञ्चालक अग्रवालले दाबी गरेका छन् ।

नयाँ उत्पादनको सुरुवात गर्दै गर्दा पछिल्लो समय सेन्चुरी प्लाई व्यवस्थित र लामो समयसम्म सञ्चालन गर्नका लागि आफूसहित उद्योगीहरू गोपाल तोदी र हर्ष तोदीलाई पनि उद्योगको सञ्चालकमा समावेश गरेको उनले बताए ।

नयाँ उत्पादनका तीनै जना सञ्चालकले संयुक्तरूपमा एक कार्यक्रमको आयोजना गरी सो ब्रान्डको लन्च गरेका छन् । अब नेपाल र भारतका बजारमा समेत एकसाथ ‘गर्जन’ ब्रान्डको नयाँ प्लाईले आक्रामकरूपमा व्यापार थाल्ने कम्पनीका सञ्चालक हर्ष तोदीले बताए । त्यसैगरी, सञ्चालक विकास अग्रवालले आफूले विगत पाँच वर्षदेखि सेन्चुरी ब्रान्डको प्लाई उत्पादन गरेर नेपाल र भारतमा बिक्री गर्दै आएको जानकारी दिए ।

‘गर्जन’ ब्रान्डको नयाँ प्लाई सार्वजनिक कार्यक्रममा प्रस्तुत गरिएको छ । यसका साथै ‘जिरो एम्बिसन प्लाई’ अन्तर्राष्ट्रिय मापदण्डमा आधारित रहेको उद्योगीहरूले दाबी गरेका छन् । सेन्चुरी प्लाई उद्योगबाट उत्पादन भइरहेका सबै प्रकारका उत्पादनले नेपाल गुणस्तर चिह्न (एनएस) र भारतको बीआईएस (आरएसआई) प्राप्त गरेको नेपालकै पहिलो उत्पादन भएको दाबी पनि गरिएको छ । संघीय संसद्को निर्माणदेखि देशका ठूला विकास निर्माणका कार्यमा पनि आफ्नै ब्रान्डको सेन्चुरी प्लाई प्रयोग भइरहेको कम्पनीले जनाएको छ ।

उद्योगले विक्रेता र मजदुरका लागि वार्षिक एक लाख रुपैयाँको स्वास्थ्य उपचार बीमा सम्झौता समेत गरेको छ । उद्योगमा काम गर्दागर्दै कुनै पनि मजदुरलाई कुनै समस्या भएमा वा दुर्घटना भएमा स्वास्थ्य उपचारका लागि सेवा प्रदान गर्ने सम्झौता गरिएको सञ्चालकहरूले बताएका छन् ।

 

प्रतिक्रिया
हाम्रो बारे

यो वेवसाइट न्युुज फायरसाइड डट कम को आधिकारिक न्यूज पोर्टल हो ।  तपाईको सूचनाको भोक मेट्न हामी निरन्तर सूचना प्रवाहमा जागा रहने छौ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा राष्ट्रको पहरेदार भएर हामी लडिरहने छौ ।

हाम्रो टीम

अध्यक्ष तथा प्रकाशक : शंकर लुईटेल
सम्पादक : बर्षा लुईटेल
कानुनी सल्लाहकार : खड्ग बहादुर निरौला

सम्पर्क

बर्षा मिडिया प्रा ली द्वारा सञ्चालित
न्युुज फायरसाइड डट कम
ग्रामथान -२ ,झोराहाट मोरङ

सम्पर्क न 9852022871
इमेल: [email protected]

स्थाई लेखा नम्बर ६२११२१७६८

सुचना विभाग दर्ता नम्बर – ४५४७ /२०८० /८१