विराटनगर,  नेपाल बैंक लिमिटेड र मोरङको विराटनगरस्थित न्युरो कार्डियो एण्ड मल्टिस्पेसियालिटी हस्पिटल प्रा.लि.बीच अस्पतालले प्रदान गर्ने स्वास्थ्य सेवामा विशेष छुट दिने सम्झौता भएको छ।सम्झौता अनुसार नेपाल बैंकका कर्मचारी र ग्राहकले अस्पतालमा उपचार गर्दा बिल रकममा ५ प्रतिशतदेखि ५० प्रतिशतसम्म छुट पाउनेछन्।

२०७९ साल भदौ २ गते भएको उक्त सम्झौतापत्रमा बैंकको तर्फबाट कोशी प्रादेशिक कार्यालय प्रमुख सूर्यप्रकाश भट्ट र अस्पतालका निर्देशक राजेश भट्टराईले हस्ताक्षर गरेका छन्। यस सम्झौताले नेपाल बैंकका कर्मचारी र ग्राहकलाई उच्चस्तरीय स्वास्थ्य सेवा सहज र किफायती मूल्यमा उपलब्ध गराउने उद्देश्य राखिएको छ।