विराटनगर , मूल्य अभिवृद्धि कर (भ्याट) छलीको आरोपमा विराटनगरका हार्डवेयर व्यवसायी सौरभ कुमार बियानी कारागार चलान भएका छन्।‘न्यू सौरभ ट्रेडिङ्ग’ र ‘बियानी एण्ड ब्रदर्स हार्डवेयर एण्ड मार्बल’ का प्रोप्राइटर रहेका बियानीले १ अर्ब ३१ करोड ६४ लाख रुपैयाँभन्दा बढीको राजस्व छली गरेको आन्तरिक राजस्व कार्यालय विराटनगरको अनुसन्धानबाट देखिएको हो।

भ्याट ऐन, २०५२ अनुसार दोषी ठहरिएपछि असार १६ गते कार्यालयले थुनुवा पुर्जी जारी गर्दै धरौटी तिर्न नसकेकाले कारागार चलान गरिएको जनाएको छ।